خرج صالح جمعة نجم النادي الأهلي السابق عن صمته في واقعة تكذيبه من قبل إمام عاشور نجم فريق الكرة الأول بالقلعة الحمراء، بشأن أزمة الأخير مع القلعة الحمراء.

وكان صالح جمعة قال إنه اجتمع مع عاشور بعد أزمته موضحًا أن اللاعب يرى أنه مظلوم ولم يتم تقديره ماديًا، وهو ما نفاه عاشور عبر حسابه انستجرام حيث قال إن المقابلة لم تحدث من الأساس.

وبهذا الصدد أكد صالح جمعة خلال استضافته في بودكاست «ابن كارك»: «إمام عاشور بيمر بظروف صعبة وضغوطات كبيرة جدًا خلال الفترة الأخيرة، أنا والنادي والجمهور جنبه عشان يطلع من كل ده».

وأضاف: «دلوقتي مفيش اتنين إمام عاشور في مصر، ورجوعه للنادي هو أهم شيء بالنسبالنا الفترة دي».

وتابع: «حصل تواصل بيني وبين إمام عاشور على الواتساب بعد اللغط اللي حصل ومفيش مشكلة خالص، وهو أخويا يعني مفيش حاجة».

وأكمل: «إمام عاشور عارف إني بتكلم من دافع ومنطلق حبًا فيه، يمكن توقيت تصريحاتي كان خطأ وهو مش حمل ضغوظ دلوقتي».

واختتم صالح جمعة تصريحاته قائلًا: «إمام عاشور بالنسبالي زي عبدالله جمعة، وهو بالنسبالي أفضل لاعب في مصر وأفريقيا وحرام الموهبة دي أي حاجة تعطلها».